تفكير الولد فى البنت يكون ازاى

الولد بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الولد ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

3- ممكن الولد يعجب بيكي للحظة و ينساكي بعديها ولا كأنه شافك قبل كده .

4- لما الولد يقولك انا مش قادر افهمك هوا يقصد ببساطة انو أنتي مبتفكريش بطريقته أو زيو .

5- "بتعملي إيه ؟" أو "كلتي ولا لسة ؟" دي أول أسئلة يسألها الولد لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الولد تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .

7- لما الولد يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .

8- ابتسامة فرح جميلة منك بالدنيا واللي فيها عند الشب .

9- الولد ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- االولد بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الولد يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .

12- الولد بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الولد بيعيط (مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الولد عشان تتخانقوا ..........صدقيني هتتخانقوا هتتخانقوا .

15- الولد ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .

16- الولد يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب ولد أنتي كده دخلتي سكة مفيهاش رجعة (دخول الحمام مش زي خروجه) .

18- اوعي تدي ولد رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك
.

19- الولد بيتجنن لما بيلمس ايدك .

20- الولد لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه

21- لما الولد يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .

22-قولي للولد أنتي عايزة إيه منه بالزبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لولد " لأاااه " بيسمعها هوا حاول تاني بكرا (معلش أطرش هههههههههههههه) .

24- الولد بيكره الشب الفافي .

25- الولد بيموت في أمه (يعني كلوا الا هيا) .

26- الولد ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الولد ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الولد إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .

29- الولد لو قالك بحبك مرة واجدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الولد احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

31- زي ما حصل مع امنا حوا و ابونا آدم أنتي نقطة ضعف الشب (استغلي المعلومة دي كويس هههههههههه ).

32- صح انك تجربي الولد الأول قبل ما تصدقي كلامه بس متسيبيهوش مستني كتير برة دائرة ثقتك .

33- الولد غالبا بيبقى صريح قوي لما يجي يتكلم عن نفسه .

34- مفيش ولد ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.

35- الولد الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .

36- الولد بيحب البنت المحترمة حتى لو مكانتش أمورة للدرجة .

37- انتيمتك (صديقتك العزيزة يعني) اللي الولد بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من موله بلا حمص ايد ورا و ايد قدام ) .

38- الولد لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .

39- حركة لا إرادية الولد بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .

40- الولد لو حبك و كنتي مرطبتة هيلاقي 1000 ملون طريقة يبعدكوا فيها عن بعض و يخليكي تحبيه ( فخلي بالك ) .

41- الولد بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .

42- الولد بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه . 43- عملياً الولد بيتفاخر عن كل حاجة تخصه ( ده أساسي يعني هههههههههههه ) .

44- الولد غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .

45- الولد دماغه مبتهداش على طول بتودي و تجيب مبيبطلش تفكير ابدا .

46- الولد خيالو واسع قوي (يرمح فيه الخيل يعني . . . ههههههههه) .

47- الولد طولك عندو مش مهم بس صدقيني مفيش عندو أهم من وزنك حااااسبي .

48- الولد دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .

49- لما سيادتك تجنني شب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .

50- غالباً بيكون صعب على الولد يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .

51- لازم لازم لازم الصراحة يعني تقولي للولد أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس هههههه .

52- تجذير هاااام الولد لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمرو مهيكبر و يعقل ويبطل لعب العيال

53- لو حصلت ظروف مش قد كدة غالباً الشب بيلوم نفسوا أكتر بكتييير منك يا بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه .

54- الولد عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .

55- الولد يكون مع الناس كلها واد إيه أسد مرعب محدش يقدر يفتح بقوو معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

56- لو الولد في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة شوفي اذا كان عرقان هتعرفي أد إيه هوا متنرفز .

57- لما الولد يقولك انو مجنوون بيكي يبقى فعلا حبك عملو جنان م غالباً مش بيكدب .

58- لما الولد يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .

59-الولد في الحقيقة غالباً ملوش قرار نهائي ( وخدي بالك من النقطة دي) .

60- لما الولد يحبك بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .

61- لما الولد يسيب التهريج و يبقى عايز يتكلم بجد إسمعيه و وريه اد إيه أنتي مهتمة .

62- لو الولد فضل ساكت و قافل بقوو متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .

63- الولد ما بيآمنش بالحب من أول نظرة على عكس معظم البنات وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .

64- الولد بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .

65-الولد ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معا

(وف الاخر دا كله هزااااااااااااااااااااااااااااااااااااااااااااااااار ويالا ادينيا بنتسلى مع بعض

ههههههههههههههههههههههههه تصدق انه نفسي اتقطع وانا بقرأ بس الموضوع جامد بجد

الف سلامة عليكى وعلى نفسك

نورتى الموضوع

كلام روووووووووعه

نوووووووووورتى المووضووع بمروووورك

موضوع جامد بجد تسلم على مجهوووودك

تسلم لمرورك يا كبير