البطـــل : البيبســـى
البطلــه : الميرانــــدا
شارك فى البطوله : الفانتا
راجل كده منعرفوش....
مكــــان الواقعــه:
تلاجه عم ابراهيم صاحب سوبر ماركت "فوق ياعم وامشى بسرعه"
وده الحوار اللى دار بين ابيه بيبسى
وموزموزيل ميراندا ..
البيبسي : يا ميراندا انتى صاحية ولا نايمة!!
الميراندا : صاحية وانت ايه اللي مصحيك لحد دلوقتي لسه ربع الساعة والراجل يقفل المحل
ويقفل النور
البيبسي : طيب ممكن أقعد جانبك!!
الميراندا بكل ادب وزوق: اتفضل
البيبسي : تحبي نتكلم في ايه!!
الميراندا : عادي أي حاجة..
ولو هتطول قول علشان استأذن من بابا وأنام بره الصندوق
البيبسي ( فرحان ): كلامي ولا هيخلص بكره الصبح..
أصلي رغاي قديم
الميراندا : أنت عارف ان كلامك حلو أوي بس بابا منبه علينا منكلمش السود
البيبسي : ليه دا احنا أليفين والله
الميراندا : بس انت عارف سوادك حلو..
كأنه سواد ليلة مافيها قمر.
أنا بجد معجبة بيك
البيبسي : احرجتيني وطلعتي زي ماقالت ماما
الميراندا : وهي قالت ايه!!
البيبسي : قالت الميراندا أحلى من الفانتا
الميراندا : فانتا
آل فانتا آل
البيبسي : ليه مالها الفانتا دي تهبل
الميراندا : ماشي لو عاجباك روحلها في الصندوق بتاعها..
سلام
البيبسي : ايه يا ميري زعلتي من كلامي
دا انتي ستهم كلهم
وفي اللحظة دي صاحب المحل فتح التلاجه
وحط جنبهم واحده فانتا
البيبسي : نورتي الصندوق يافانتا...
ايه يا أخواتي الحلاوة دي
(عينه زايغه كالعاده)
الميراندا : وكمان بتغازلها أدامي,,
وانا معاك من الصبح يا اسود
الفانتا : دي مالها دي متعصبة...
ياااي غيارة
البيبسي : سيبك منها بس قولي ايه الجمال اللي أنت فيه ده
الميراندا : قوليله يا قصيرة يا قزعة
الفانتا : روحي كده وانتي بآلك اسبوع مرمية في الصندوق ومحدش معبرك
البيبسي : هدوء يا جماعة كل واحدة فيكم فيها مميزات انتو الاتنين حلوين
وفجأة جه زبون المحل وخد الثلاث زجاجات في كيس
وروح البيت وفتح الفانتا وشربها
البيبسي : الحمد لله كانت مضايقانا الفراولة............(منافق وبوشين)
الميراندا : وكمان جايلك عين تتكلم...
روح وراها يا اسود
البيبسي (بينه وبين نفسه) : ضاعت عليا الفانتا وكمان الميراندا
واعدت الميراندا تعيط وتقول لنفسها يقطع الحب وسنينه
لحد اما سخنت وجه واحد يشربها لقاها سخنة فرماهافى الزباله ياعينى
وجه ابنه الصغير راح موقع البيبسى وانكسرت وساح دمه عالارض ياولداه..
احسن دى نهايه كل ظالم..
وكانت دي نهاية مؤلمة لقصة حب استمرت لمده 3 ساعات فى عز البرد والتلج
الخميس مارس 02, 2023 7:49 pm من طرف alaa_eg
موضوع: قصه حب ساقعه جدا ورومانسيه جدا 
