: قصيدة رومانسية بالعامية المصرية إسمها ( فات الوقت )

فــــات الــــوقت..إنتهينــــــا *** السنـــين قـــدرت علينــــا
واحنا اللى كنا..عشاق زمننا *** دلوقت ضاع الهوى بإيدينا
فات الوقت
فــات الـوقت ومـش هاتحمـل *** تيجـى تقـول نبدأ م الأول
كنت زمـــان اتمنـاك ترضـى *** لكـن بعـدك كـان بيطــول

ماتقـوليـش جـوايـا مشـاعــر *** ماتقوليش حبنا شيـئ نـادر
مانت كـــلام النـاس صدقتـه *** وكدبتنى وكمان مش فاكـر
فات الوقت
فات الوقت وهارحل وحـدى *** لازم ارحل واسحب وعدى
مش هاستنـى استنى لوحدك *** ضاعت كل مشاعرك عندى

خليك عايش علـى أوهامـك *** أنـا ماقبلـش أزور أحـلامك
انـا ماقـدرش ارجعلك تانـى *** انـا بطلـت اسمـع لكلامـــك
فات الوقت

عامية جميل واستخدام رائع ...... قصيد جميلة كتير ياهبة
تقبلي خالص تحياتي